رێككەوتی 14/12/2014 شاندێكی كۆمپانیای میتسوبوشی ژاپۆنی بە سەرۆكایەتی ناهیكۆ ساوادا بەڕێوبەری گشتی نوسینگەی هەمان كۆمپانیا لە عێراق سەردانی ژووریان كرد و لە لایەن دارا جەلیل خەیات سەرۆكی ژوور پێشوازییان لێكرا.
لە دیدارێكدا شاندی میوان خۆشحاڵی خۆیان بەم سەردانە دەربڕی و ئامانجیان لەم سەردانە بەشداریكردنیانە لە ئاوەدانكردنەوەی كوردستان و پرۆسەی وەبەرهێنان و كاركردن بە تایبەت لە بوارەكانی ووزە و بیناسازی و پرۆژەكانی ئاودێری، ئەوەشیان خستە روو كە هەرێمی كوردستان بۆ ئەوان بازاڕێكی نوێ یە دەیانەوێت بەشداربن لەم بازاڕە.
لە لایەن خۆشیەوە سەرۆكی ژوور سوپاسی كردن بۆ ئەم سەردانە و رایگەیاند كە وڵاتی عێراق بە هەرێمی كوردستانەوە پاش ئازادكردنی لە ساڵی 2003 سیستەمی كاركردن و وبەرهێنان گۆڕانكاری گەورەیان بە خۆوە بینیوە ئێستا كراوەیە بۆ هەموو وڵاتێك، بەشداری كردنی كۆمپانیایەكی گەورەش وەكو میتسوبوشی لە ئاوەدانكردنەوەی هەرێمی كوردستان مایەی خۆشحاڵیمانە.
ووتیشی هەرێمی كوردستانیش دەوڵەمەندە لە هەموو روویەكەوە ئێوە دەتوانن بەشداربن لە پرۆسەی وەبەرهێنان ئامادەیی ژووریشی نیشاندا بۆ پشتگیریكردن و هاوكاری لە هەموو روویەكەوە.