بە سەرپەرشتی ژووری بازرگانی عەرەبی – بەریتانی وە یەكێتی ژوورەكانی بازرگانی ووڵاتانی عەرەبی بە چاودێری بارۆنس سیمۆنس سەرۆكی ژووری بازرگانی عەرەبی – بەریتانی و نامیل ئەلكەبارینی سەرۆكی یەكێتی ژوورەكانی بازرگانی ئوردن وە بە ئامادەبوونی دارا جەلیل خەیات جێگری سەرۆكی یەكێتی ژوورەكانی بازرگانی عێراق و ژمارەیەك لە نوێنەر و سەرۆكی ژوورەكانی بازرگانی ووڵاتانی عەرەبی رۆژی 21ی ئۆكتۆبەر دووەمین كۆڕبەندی ئابووری عەرەبی – بەریتانی لە شاری لەندەن سازكرا.
كۆڕبەندەكە تایبەت بوو بە ئابووری و دەرفەتی كار و چۆنیەتی بەرەو پێش بردنی كەرتی بازرگانی لە ووڵاتی ئوردن كە بۆ ماوەی دوو رۆژ بەردەوام بوو.
هەر لە میانی ئەم كۆڕبەندە دا دارا جەلیل خەیات بە جیا لەگەڵ هەریەك لە سەرۆكی یەكێتی ژوورەكانی بازرگانی ووڵاتانی ئوردن و عومان و بەحرەین چەند ووڵاتێكی تری عەرەبی كۆبۆوە و باسی لە دەرفەت و هەلی كار لە عێراق و هەرێمی كوردستان بۆ كردن.