رۆژی یەكشەممە 16/11/2008 شاندێكی گەورەی بازرگانی شاری هەمەدانی ئێران كە پێك هاتبوو لە مسعود بوكائی بەرێوەبەری یاریدەدەر لە رێكخراوی بازرگانی هەمەدان و حسن بهرامی نوێنەری سەرۆكی ژووری بازرگانی هەمەدان لەگەل ژمارەیەك لە بازرگانانی ئەو شارە سەردانی ژووری بازرگانی و پیشەسازی هەولێریان كرد و لە لایەن دارا جەلیل خەیات سەرۆكی ژوور و ژمارەیەك لە ئەندامانی ئەنجوومەنی كارگێری ژوور پێشوازیان لێكرا. لە كۆبوونەوەیەكی فراوان دا شاندی میوان خۆیان بە ئەندامانی ژوور ناساند و كار و چالاكیەكانی كۆمپانیاكانیان خستەروو. مەبەست لەسەردانی شاندەكە، هەروەك مسعود بوكائی ئاماژەی پێكرد، بەشداریكردنە لە پرۆسەی ئاوەدانكردنەوە و وەبەرهێنان لە كوردستان. لە كۆتاییدا سەرۆكی ژوور هیوای خواست كە ژووری بازرگانی هەمەدان دەست پێشخەری بكات لە پتەوكردنی پەیوەندیەكانیان لەگەل هەرێمی كوردستان لە كردنەوەی پێشانگای تایبەت بە كەلوپەلی ئێرانی وەك ژووری بازرگانی ئورمێ.

رۆژی یەك شەممە 16/11/2008 بیرناردۆ دێ ئه‌زیڤیدۆ بالیۆزی بەرازیل لە عێراق بە یاوەری شاندی ژووری بازرگانی عەرەبی – بەرازیلی سەردانی ژووری بازرگانی هەولێری كرد و لە لایەن سەرۆك و ژمارەیەك لە ئەندامانی ئەنجوومەنی كارگێری ژوورەوە پێشوازیان لێكرا. لە كۆبونەوەیەكدا باس لەبەهێزكردنی پەیوەندی ئابووری و بازرگانی نێوان هەردوولادا كراو بالیۆزی بەرازیل رایگەیاند كە ولاتی بەرازیل بە نیازە قونسولیەكی فەخری لە هەولێر بكاتەوە بۆ دروست كردنی بازرگانییەكی راستەوخۆ لە نێوان هەردوولادا، هەروەها بە فەرمی بانگێشتی ژووری بازرگانی و پیشەسازی هەولێری كرد بۆ بەشداریكردن لە پێشانگای بازرگانی لە وڵاتی بەرازیل كە لە مانگی 3 ی سالی داهاتوو دەكرێتەوە.

رۆژی 15/11/2005 بە ئامادەبوونی ئەدۆلفۆ ئۆرسۆ وەزیری پەرەپێدانی ئابووری و بازرگانی وڵاتی ئیتالیا و بالیۆزی ئیتالیا لە عێرق و وەزیری بازرگانی هەرێم و سەرۆكی یەكێتی ژوورە بازرگانی و پیشەسازیەكانی كوردستان و زیاتر لە 100 بازرگان و خاوەن كۆمپانیای ولاتی ئیتالیا لە شاری هەولێر لە ئوتێل شیراتۆن كوربەندی ئابووری بەرێوەچوو. سەرەتا بالیۆزی ئیتالیا روونی كردەوە كە لای هیچ كەسێك شاراوە نیە كە كوردستان بەشێكی جیاوازی عێراقە لە رووی ئابووری و بازرگانی و لایەنەكانی تر. هەروەها بە فەرمی بانگێشتی حكومەتی هەرێمی كوردستانی كر بۆ بەشداریكردن لە پێشانگای بازرگانی لە شاری میلانۆ بۆ ئەوەی ئەم بەشداریكردنە ببێتە پردێكی پەیوەندی بازرگانی. هەروەها دارا جەلیل خەیات سەرۆكی یەكێتی ژوورە بازرگانی و پیشەسازیەكانی كوردستان ووتەیەكی پێشكەش كرد و تیشكی خستە سەر دەفەتەكانی وەبەرهێنان لە هەرێمی كوردستان و ئەم كۆربەندەی بە سەرەتایەكی زۆر بەهێز وەسف كرد كە لە داهاتوودا رەنگدانەوەی گرنگی بازرگانی و ئابووری دەبێت لە هەرێمەكەماندا. وڵاتی ئیتالیا تا ئێستا دوو پێشانگای تایبەتی لە شاری هەولێر سازكردووە، ئێستا زۆر بەچری كار بۆ وەبەرهێنان دەكات لە هەرێمی كوردستان.