تۆ لێرەیت: ErbilChamberهه‌واڵ باڵيۆزى وڵاتى سويد له‌ عێراق سه‌ردانى ژوور ده‌كات

باڵيۆزى وڵاتى سويد له‌ عێراق سه‌ردانى ژوور ده‌كات

بڵاوكراوه‌ته‌وه‌ له‌ هه‌واڵ پێنج شەممە, 02 حوزەیران 2022 08:08
رۆژى 30/5/2022 د. دارا جه‌ليل خه‌يات سه‌رۆكى ژوور به‌ ئاماده‌بوونى ماجد جه‌لال و عه‌بدولكه‌ريم مسته‌فا ئه‌ندامانى ئه‌نجومه‌نى كارگێڕى ژوور پێشوازييان كرد له‌ جۆناس لۆڤين باڵيۆزى وڵاتى سويد له‌ عێراق و مه‌سعود بيوكى به‌ڕێوبه‌رى كاره‌كانى سويد له‌ رۆژهه‌ڵاتى ناوه‌ڕاست.
ئامانج له‌ سه‌ردانى باڵيۆز بۆ ژوور بۆ ئاگاداربوون بوو له‌ ره‌وشى بازرگانى هه‌رێمى كوردستان و گرنگترين ئه‌و سێكته‌رانه‌ى كه‌ هه‌رێمى كوردستان پێويستييه‌تى بۆ وه‌به‌رهێنان كردن تيايدا.
جۆناس لۆڤين باڵيۆزى وڵاتى سويد له‌ عێراق وتى: ئێمه‌ هاتوين بۆ به‌هێزكردنى په‌يوه‌ندى دوو لايه‌نه‌ و گواستنه‌وه‌ى ئه‌زمونى وڵاتى سويد له‌ زانست و كارى بازرگانى بۆ هه‌رێمى كوردستان.
باڵيۆزى وڵاتى سويد ئه‌وه‌شى خسته‌روو كه‌ هاوكارده‌بين له‌ به‌ستنى په‌يوه‌ندى به‌هێز له‌گه‌ڵ ژووره‌كانى بازرگانى سويد.
د. دارا جه‌ليل خه‌يات وتى: به‌هۆى ئه‌وه‌ى هاوڵاتييه‌كى زۆرى وڵاتى عێراق و هه‌رێمى كوردستان له‌ وڵاتى سويد ده‌ژين و به‌شێكى زۆرييان خاوه‌نى كارى خۆيانن و خاوه‌ن كۆمپانيان به‌راورد به‌ وڵاتانى تر به‌هێزكردنى په‌يوه‌ندييه‌ بازرگانى و ئابوورييه‌كان له‌گه‌ڵ وڵاتى سويد ئاسانتره‌.
سه‌رۆكى ژوور وتى: ده‌مانه‌وێت به‌ هاوكارى جه‌نابتان كاره‌كان ده‌ست پێ بكه‌ينه‌وه‌ چونكه‌ له‌ ساڵانى زوو كۆمپانيا سويدييه‌كان كارى زۆر باش و گرنگيان له‌ عێراق ئه‌نجامداوه‌، به‌رهه‌مه‌كانى سويديش لێره‌ ناسراوه‌.
د. دارا رايگه‌ياند: ئاڵوگۆڕكردنى شانده‌ بازرگانييه‌كانى نێوان هه‌ردوولا و به‌شدارى كردنى كۆمپانيا سويدييه‌كان له‌ پێشانگا نێوده‌وڵه‌تييه‌كانى هه‌رێمى كوردستان ياخود پێشانگاى تايبه‌ت به‌ به‌رهه‌مى وڵاتى سويد زۆر پێويسته‌ بۆ به‌هێزكردنى ئه‌و په‌يوه‌ندييه‌، ژوورى بازرگانى و پيشه‌سازى هه‌ولێريش به‌ هه‌موو توانا ئاسانكارييان بۆ ده‌كات و پاڵپشتيان ده‌بێت.
سه‌رۆكى ژوور ئه‌وشى خسته‌روو له‌ هه‌رێمى كوردستان ده‌رفه‌تى كاركردن و وه‌به‌رهێنان زۆره‌ له‌ گشت بواره‌كان، وڵاتى عێراقيش يه‌كێكه‌ له‌و وڵاتانه‌ى كه‌ پێشه‌نگه‌ له‌ هاورده‌كردنى كاڵا، ئه‌مه‌ش ده‌رفه‌تێكى زێڕينه‌ بۆ وه‌به‌رهێنه‌ران و خاوه‌ن كۆمپانياكانى سويد تا سوود له‌و ده‌رفه‌تانه‌ وه‌ربگرن.
ئه‌م بابه‌ته‌ 87 جار خوێندراوه‌ته‌وه‌

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سەرۆكی ژوور بەشداری لە كۆنفڕانسی هانۆڤەر بۆ وەبەرهێنان دەكات

  بە ئامادەبوونی د. عەلی سندی وەزیری پلاندانان، د...

«
»
« January 2016 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑